ڈی سی او نے پیرمحل میں زیرتعمیر دو رویہ سڑک کے تعمیراتی کام کا معائنہ کیا۔تفصیل کے مطابق ڈسٹرکٹ کوآرڈی نیشن آفیسر عامر اعجاز اکبر نے محکمہ ہائی وے کے افسران اور ٹھیکیدار کو ہدایت کرتے ہوئے کہا کہ عوامی فلاح اور بہبود کے منصوبوں کواعلیٰ معیار کے ساتھ بروقت مکمل کیا جائے تاکہ عوام ان کے ثمرات سے مستفید ہو سکیں۔انہوں نے کہا کہ سڑک کے اطراف اور ڈیوائیڈر کے درمیان پودے لگائے جائیں تاکہ شہر کی خوبصورتی میں اضافہ ہو اور اسے کلین اینڈ گرین بنایا جا سکے۔انہوں نے کہا کہ سڑک کی تعمیر میں استعمال ہونے والے میڑیل کے معیار پر کوئی سمجھوتہ نہیں ہو گا اور نہ ہی کسی کو تجاوزات قائم کرنے کی اجازت دی جائے گی۔انہوں نے متعلقہ افسروں کو ہدایت کی کہ وہ تعمیراتی کام کی کڑی نگرانی جاری رکھیں۔ عوامی فلاحی منصوبوں میں ناقص میٹریل استعمال کرتے ہوئے غیر معیاری کام کرنے والے ٹھیکیداروں کو ہرگز معاف نہیں کیا جائے گا۔اس موقع پر ایگزیکٹو ڈسٹرکٹ آفیسر زراعت شہزاد صابر اور متعلقہ محکمہ کے افسر بھی ان کے ہمراہ تھے۔
0 Comments